طنط حشرية

خلينا نبتدي بكلام علمي الأول.

تعريف "طنط حشرية" أو "أونكل حشري" حسب موسوعة “بسموبيديا" : كائنات تظهر في أماكن متعددة على مدار فصول السنة .. تتغذي على أخبار الناس والنميمة.

الناس دي بتسأل عن كل حاجة ومش عاجبهم حاجة وبيتحشرو في كل حاجة !

ولد أو بنت .. محدش بيفلت منهم !!

فيه مليون موضوع يتكلمو فيه عنك .. وطبعا مش عاجبهم حالك اللي يصعب على الكافر يا ولداه!

أنا مش هقعد أحكي نظري كتير ….. ماتيجوا نشوف …

 السيناريو الأول 

الضحية: ولد

-----

حشرية: إيه بقى ..مش ناوي تفرحنا بيك؟

المسكين:  والله ربنا يسهل يا طنط

حشرية: إنت بس إنوي .. شكلك مش واخد الموضوع جد …. (تلتفت لوالدة الضحية وتقولها( ... إيه بقى .. هو أنتي مش نفسك تفرحي بأولاده ولا إيه (ضحكات متقطعة شريرة)  .. طب ده أنا عندي ليه عروسة انما إيه

ودي طبعا نقاوة طنط حشرية !

السيناريو التاني

الضحية: بنت

حشرية: مش ناوية تفرحينا بيكي بقى ولا إيه ؟

الضحية:  والله يا طنط ده نصيب .. وأنا مش مستعجلة

والدة الضحية: والنبي مغلباني يا حشرية

حشرية: لا لا لا … يلا بقى وبلاش دلاعة

شعور الضحية في الحالتين مبيختلفش كتير:

----

بسمة الدق